"അൽതാഫിന്റെ പ്രതികാരം"

അവൻ കുഞ്ഞു ഷൂസും
ടൈയുമിട്ട്,പാലുകുടിച്ച്
നല്ല കുട്ടിയായി സ്കൂൾബസ്സിന് കാത്തിരുന്നു...
അവന്റെ ഷർട്ടും മുടിയും വെറുതെയൊന്ന് തൊട്ട്ശരിയാക്കി,
കവിളിലൊരു മുത്തം.....
"ഉമ്മാ ഞാനൊരു കാര്യം പറയട്ടെ...,
ഞാനവരോട് മിണ്ടില്ല...
ഞാനവർക്ക് ഉമ്മ കൊടുക്കില്ല ..."
ഉം ....അവന്റെ നേരെ നോക്കാനാവാതെ
അവർ അകലേക്ക് നോക്കി....
ഒരു നെടുവീർപ്പോടെ തട്ടം നേരെയാക്കി...
അവനെ കെട്ടിപ്പിടിച്ച് വീണ്ടും ഒരുമ്മ നെറ്റിയിൽ ...
സിന്ദൂരം പോലെ...

"ചെമ്പിക്കുന്ന ചുംബനം"

                    ലൈംഗികവികാരങ്ങൾ ഇഷ്ടംപോലെയും പരസ്യമായും പ്രകടിപ്പിച്ച് സർവ്വസാധാരണമായാൽ പിന്നെ, മനുഷ്യൻ ഭീകരമായ നിരാശാബോധത്തിലേക്ക്  വഴുതിവീഴാൻ സാധ്യതയുണ്ട്. ലൈംഗികതയേക്കാൾ മനുഷ്യനെ ജീവിപ്പിക്കാൻ പ്രേരിപ്പിക്കുന്ന ഘടകങ്ങൾ വളരെ കുറവാണ്.അതുകൊണ്ടായിരിക്കണം ലൈംഗികവികാരങ്ങൾ നിയന്ത്രിച്ച്‌ ആസ്വദിക്കണം എന്ന് പറയുന്നത്.ഈ കാരണങ്ങൾ കൊണ്ടാണ് ഗുഹ്യാവയവങ്ങളും ലൈംഗികവികാരങ്ങളുണ്ടാക്കുന്ന അവയവങ്ങളും മറക്കുന്ന (ആണായാലും പെണ്ണായാലും) വസ്ത്രരീതികൾ നമ്മൾ പിന്തുടർന്നത്‌. ചുംബനം ലൈംഗികവികാര പ്രകടനത്തിന്റെ ഭാഗമായും അല്ലാതെയും ഉണ്ടല്ലോ,ഇതിലേതു പരസ്യമാക്കാം എന്ന് പ്രത്യേകം പറയേണ്ടല്ലോ.
                   ഈ നിയന്ത്രണങ്ങളെല്ലാം കുട്ടികളെ പഠിപ്പിക്കാനുള്ള ഉത്തരവാദിത്തം നമുക്കുണ്ട്....ചിലപ്പോൾ കാരണങ്ങൾ സഹിതം ബോധ്യപ്പെടുത്തേണ്ടതുണ്ട്...കേവലം സാംസ്ക്കാരിക തനിമ നിലനിർത്താനാണെന്ന് പറഞ്ഞാൽ മതിയാകില്ല.
                   ഇന്നത്തെ ഇന്ത്യൻ സാഹചര്യങ്ങളിൽ ഈ നിയന്ത്രണങ്ങൾ കാര്യക്ഷമമാവാൻ ഏറ്റവും നല്ലത് സ്ത്രീയും പുരുഷനും സ്വാതന്ത്ര്യത്തോടെ ഇടപഴകാനുള്ള സാഹചര്യങ്ങൾ ഉണ്ടാവുകയാണ്.ഒരുമിച്ചിരുന്നു പഠിക്കാനും കളിക്കാനും ജോലിചെയ്യാനുമുള്ള സാഹചര്യങ്ങൾ ഉണ്ടാവണം.അകന്നിരിക്കുമ്പോൾ തോന്നുന്ന അസ്വാഭാവികമായ വികാരങ്ങൾ നിയന്ത്രിക്കാനിതാണ് വഴി .പിന്നെ ചൂഷണങ്ങൾ എല്ലാകാലത്തും ഉണ്ടാവുന്നുണ്ട്,അതിന്  കാലഘട്ടത്തിന്റെ  രീതിക്കനുസരിച്ച് എന്ത് ചെയ്യണമെന്ന് പഠിപ്പിക്കണം.സംസ്ക്കാരങ്ങൾ ശാസ്ത്രീയമായി വളരേണ്ടത് ഇങ്ങനെയാണ്.
                  നമ്മുടെ നാട്ടിൽ പക്ഷെ ആണും പെണ്ണും അടുത്തിരുന്നു സംസാരിക്കുന്നത് കണ്ടാൽ,ഒന്ന് കൈകോർത്തു നടന്നാൽ,കണ്ണടച്ച് ഗൗനിക്കാതിരിക്കുന്നതിനു പകരം സംഘമായിച്ചെന്നു ആക്രമിക്കുന്ന ഒരു അസഹിഷ്ണുത വളർന്നു വരുന്നുണ്ട്...അവർക്ക് ഉരുളക്കുപ്പേരി എന്നതരത്തിൽ ഒരു വൈകാരിക പ്രതിഷേധമാണു ചുംബനസമരം.ഞാനും എന്റെ പെങ്ങളും പോയില്ലെങ്കിലെന്ത്,അതിന് തയ്യാറുള്ളവരെ നമ്മുടെ നിലപാടറിയിക്കുകയെങ്കിലും ചെയ്യേണ്ടേ ?

"ജോലി സമയം"

കാലത്ത് ഒൻപതുമണിക്കിറങ്ങിയാൽ
വൈകീട്ട് എഴുമാണിയാവും വീട്ടിലെത്താൻ...
അതിനിടയിൽ മനുഷ്യാവകാശത്തെ കുറിച്ചുള്ള  സെമിനാറുകളും
വയസ്സായ അമ്മയുടെ, കാഴ്ചയുള്ള പകലും അവസാനിച്ചിരിക്കും 

"സമത്വം"

ഭക്ഷണം അപേക്ഷിക്കുന്നവനത് കൊടുത്തേക്കൂ
ഭക്ഷണം ആവശ്യപ്പെടുന്നവനെ തിരിച്ചു പറഞ്ഞയക്കൂ

അമ്മേ , രണ്ടുപേരും ഒരേപോലെ വിശന്നവരാണ്....

Arnab & Barkha Dutt

Surjith Sarovaram

1 day ago

 

നിഷ്പക്ഷം എന്നൊരു പക്ഷം ഇല്ല.... അവതാരക നിഷ്പക്ഷമതി ആയിരിക്കണം എന്ന് ആരാണ് നിശ്ചയിക്കുന്നത്....? Times Now ല്‍ രാഷ്ട്രീയ നേതാക്കളെ ചോദ്യം ചോദിച്ചു കുഴയ്ക്കുന്ന അര്‍ണാബ് പലപ്പോഴും വ്യക്തമായ പക്ഷം പിടിച്ചു തന്നെയാണ് സംസാരിക്കാറ്.... കൃത്യമായ ഒരു പക്ഷം ഇല്ലാതിരിക്കുക എന്നതാണ് മോശം.... ഇവിടെ ഷാനി അവരുടെ പക്ഷം ഏതെന്നു വ്യക്തമാക്കി... അതില്‍ തെറ്റെന്ത്‌...?? ആവേശം മൂത്ത വാചക കസര്‍ത്തിനു കയ്യടിക്കുന്നവര്‍ മാത്രമാണ് ചര്‍ച്ചയുടെ സത്ത കളയുന്നത്

Reply

 · 

1

sajeev vadukkumchery

9 hours ago

 

അവതാരകർ നിഷ്പക്ഷമായിരിക്കണം എന്നതിൽ സംശയമില്ല.'Times Now'ൽ Arnab  ചെയ്യുന്നത് ശരിയാണെന്നാണോ? നമ്മുടെ മലയാളം ചാനലിലുള്ള അവതാരകരുടെ ഗുണമൊന്നും Arnab നും NDTV - Barkha Dutt ക്കും ഉണ്ടെന്നു തോന്നിയിട്ടില്ല...പക്ഷം പിടിക്കുന്നത്‌ ആരായാലും യുക്തിപൂർവ്വമാണോ എന്നത് നോക്കാനാണ് അവതാരകർ .

Reply

 · 

Surjith Sarovaram

7 hours ago

 

വാര്‍ത്താ മാധ്യമങ്ങള്‍ക്കും അതിലെ അവതാരകര്‍ക്കും എല്ലാം പലപ്പോഴും കൃത്യമായ പക്ഷം പിടിക്കേണ്ടി തന്നെ വരും.... ഒരു നിലപാടും എടുക്കാതെ എങ്ങും തൊടാതെ നില്‍ക്കെണ്ടാവര്‍ ആണ് അവതാരകര്‍ എന്നാ കാഴ്ചപ്പാട് മാധ്യമ രംഗത്ത് വല്ലാതെ ഇല്ല എന്നാണ് ഞാന്‍ മനസിലാക്കുന്നത്.... നമ്മള്‍ തമ്മില്‍ പോലുള്ള ചര്‍ച്ചകളില്‍ ഒക്കെ അത് നടക്കുമായിരിക്കും.... പൊളിറ്റിക്കല്‍ ആയ വിഷയങ്ങള്‍ കൈകാര്യം ചെയ്യുമ്പോള്‍ ചര്‍ച്ചക്ക് പൊതുവില്‍ ഒരു രാഷ്ട്രീയം ഉണ്ടായിരിക്കണം....

ഇതേ വിഷയത്തില്‍ തന്നെ മീഡിയ വന്‍ ചാനലില്‍ നടന്ന ഒരു ചര്‍ച്ചയില്‍ ഡല്‍ഹി പീഡനം നടന്നത് രാത്രി പെണ്‍കുട്ടി കാമുകനൊപ്പം പോയത് കൊണ്ടാണ് എന്നാ രീതിയില്‍ യുവമോര്‍ച്ച നേതാവ് സംസാരിച്ചപ്പോള്‍ അദ്ദേഹത്തിന്‍റെ മുഘത്ത് നോക്കി "ഞാന്‍ നിങ്ങളെ ഓര്‍ത്ത് ലജ്ജിക്കുന്നു" എന്ന് ഉറക്കെ പറഞ്ഞ അവതാരകന് വ്യക്തമായ രാഷ്ട്രീയം ഉണ്ട്..... അതങ്ങനെ ആയിരിക്കുമ്പോള്‍ തന്നെയാണ് ചര്‍ച്ചകള്‍ അര്‍ഥവാത്താവുക എന്നതാണ് എനിക്ക് തോന്നുന്നത്.

Show less

Reply

 · 

sajeev vadukkumchery

2 seconds ago

 

+Surjith Sarovaram ചാനലിന്റെ രാഷ്ട്രീയം തൊട്ട് (കക്ഷി രാഷ്ട്രീയം എന്ന അർത്ഥത്തിൽ ),തിരഞ്ഞെടുക്കുന്ന വിഷയം, ചർച്ചയിൽ പങ്കെടുക്കുന്നവർ,സദസ്യർ എന്ന് വേണ്ട അവതാരകനും രാഷ്ട്രീയമുണ്ട് .എന്നാൽ അത് ഗോപ്യമായി വെച്ച് രണ്ട് പക്ഷത്തുമുള്ള  പ്രേക്ഷകർക്ക്‌ എതിർ പക്ഷത്തോട് ചോദിക്കാൻ തോന്നുന്ന ചോദ്യങ്ങൾ അവർക്ക് വേണ്ടി സംസ്കാരഭദ്രതയോടെ ചോദിക്കാൻ കഴിവുള്ള അവതാരകരുണ്ട് പല മലയാള ചാനലുകളിലും, പ്രത്യേകിച്ച് രാഷ്ട്രീയ ചർച്ചകളിൽ...പലപ്പോഴും നമ്മൾ ആ ചർച്ചകളിൽ പങ്കെടുത്തു എന്ന് തോന്നിപ്പിക്കാറുണ്ട് ...(ആർക്കും ഒരു ആശയവും മര്യാദക്ക് അവതരിപ്പിക്കാൻ കഴിയാത്ത ഒരു മോശം പ്രോഗ്രാം ആണ് "നമ്മൾ തമ്മിൽ ". വിഷയത്തിന്റെ സവിശേഷത മാത്രമാണ് അതിന്റെ കൈമുതൽ )
വിലകുറഞ്ഞ പക്ഷപാതവും അതിലുപരി ചർച്ചക്ക് വിളിച്ച് വരുത്തിയവരോട് അല്പം മാന്യതപോലും കാണിക്കാത്ത സംസാര രീതിയും കൈമുതലായുള്ള Arnab, Barkha Dutt തുടങ്ങിയവർ തെളിക്കേണ്ടതല്ല മാധ്യമ സംസ്കാരം; പ്രത്യേകിച്ച് അത് ഭംഗിയായി നടത്താൻ കഴിവുള്ളവർ നമുക്കിടയിൽ ഉണ്ടായിരിക്കുമ്പോൾ...
പിന്നെ Media One ചാനൽ അവതാരകൻ "ഞാൻ നിങ്ങളെ ഓർത്ത് ലജ്ജിക്കുന്നു " എന്ന് പറഞ്ഞത് അർത്ഥവത്തും സാന്ദർഭികവുമായതു അദ്ധേഹത്തിന്റെ രാഷ്ട്രീയ വ്യക്തത കൊണ്ടല്ല മറിച്ച് അദ്ദേഹത്തിന്റെ വൈകാരികമായ പ്രതികരണം യുക്തിപരമായി ശരിയായിരുന്നു എന്നതാണ്.... അവതാരകർ യുക്തിയുടെ പക്ഷമായിരിക്കണം എന്നാണെനിക്കുപറയാനുള്ളത് 

Show less

"ഉറങ്ങണം"

ഒരു വോട്ട് കൊടുത്തുകളയാം...
എന്നാലും നാട്ടിലിറങ്ങിയെന്റെ ഉറക്കം കളയേണ്ടല്ലോ

"പുഞ്ചിരിക്കുന്ന പ്രേക്ഷകൻ"

നായകനും വില്ലനും ഒരുപോലെ ആസ്വദിക്കുന്നതാണ് ജീവിതം...
രണ്ടുപേരെയും കണ്ടാസ്വദിക്കുന്ന പ്രേക്ഷകനാണ് ഞാൻ...